Déiereschutz


Déiereschutz Zënter mer am August 2002, d'Antas op Sardinien gerett hunn, war ech nach méi dovunner iwerzeegt, datt méi am Déiereschutz gemaach muss ginn an ECH mech och méi investéiere misst.
Jidderee muss eng Hand mat upaken a vu klengem u mussen d’Kanner doropshin erzu ginn.
Et muss méi driwwer geschwat ginn an eiser Gesellschaft a méi aktiv an éierlech geschafft ginn.
De Mënsch muss erëm Respekt virum Déier kréien.
Déiereschutz betrëfft eis all an e betrëfft och all Déier.
Net nëmmen d’Muppen an d’Kazen, déi an den Déierenasyler sëtzen, mee och all déi aner (wëll) Déieren, denen hir Rechter a Liewensraim mir andauernd beschneiden, zu eisem Profitt.
Mir huelen hinne Felder a Wisen ewech, well mer grad do baue wëllen, well eng Autobunn doduerch muss, oder eng Bréck gebaut gëtt.
Mir joen de Wollef, den Elefant, den Tiger, de Léiw, fir datt mer en am Zirkus bewonnere kënnen, wéi e seng Konschtstécker virféiert, zu deenen e gequält ginn ass, bis en se vollbruecht huet!

D’Déiere gi mësshandelt, vergewaltegt, ausgesat, vernoléissegt, gequält a gefaange gehalen, doutgeschloen, kréien hire Pelz geklaut, hir Daune lieweg gerupft, fir eise Genoss lieweg d‘Hamen ausgerappt, si gi vollgestoppt fir lecker Gänsestopfliewer, fir Tester agesat, ageschléifert wann et dem Mensch passt, erhéngeren a verduuschte gelooss,...




Déiereschutz Wien huet dem Mënsch d’Recht ginn, sech iwwert d’Rechter vum Déier ewechzesetzen?

Vun 2005 bis Enn 2007, soulaang ech a Frankräich gelieft hunn, war ech „Inspectrice bénévole“ vun der Fondation Brigitte Bardot .

Vum Mäerz 2008 bis Enn 2014 war ech Member beim saarlännësche Déiereschutzveräin Tiere-in-Not-Saar.
Ënnert anerem, ënnerstëtzen ech all Mount mat enger Patenschaft de Perry vum Veräin Tierfreunde helfen Tieren in Not E.V., an hunn eng Wollefspatenschaft.

Zënter 2009 organiséieren ech all Joer op Pappendag de Marsch fir den Déiereschutz an ech wäert och weider probéieren eppes ze veränneren.










info@pet-psy-cafe.eu