Ernierung


Och d'Ernierung vun Ärem Mupp an Ärer Miz ass wichteg fir seng aartgerecht Haltung ze garantéieren a soll dréngend berécksiichtegt ginn.
Och doriwwer soll ee sech am Virfeld seng Gedanke maachen a sech e Grondwëssen uneegnen.
Wat de Mupp an d'Miz betrëfft, musse mer eis als éischt emol mat zwee Grondbegrëffer ausernee setzen:
- Karnivore (Fleesch(fr)éisser an
- Omnivore (Alles(fr)éisser).


Béid Aarte gehéieren zur Gattung vun de Säugetieren an der Uerdnung vun de Karnivoren, mee et gëtt een Ënnerscheed: d'Kaz kann net iwwerliewen ouni datt se Fleesch an iergendenger Form konsuméiert.

Muppen, op der anerer Säit, kënnen nëmme mat planzleschem Gewebe iwwerliewen; si musse kee Fleesch zou sech huelen. Mee opgepasst, Muppe kënnen ouni Fleesch iwwerliewen, do gëtt et awer elo e groussen Ënnerscheed tëschent iwwerliewen a gutt ernäert sinn.

Muppe si keng Planzen(fr)éisser, si gehéieren zu den Alles(fr)éisser an dat heescht, datt dat totaalt Feele vu Fleesch an hirer Ernierung zu Ernierungsdefizitter féiere kann. Just well Muppe sou gutt Planze wéi och déieresch Nahrungsquelle verdaue kënnen, bedeit dat net, datt planzlecht Gewebe eleng eng komplett Ernährungsquell fir den Hond duerstellt.

Et gi vill chemesch Substanzen, déi d'Kazen an d'Muppen brauche fir z'iwwerliewen.

Sou wéi aner lieweg Planzen an Déieren, stellen d'Kazen an d'Muppe vill vun hiren iwwerliewensnoutwennege Substanzen an hire Kierperen selwer hir. Vitamin C ass zum Beispill eng Viraussetzung fir d'liewenserhalend Prozesser vun de Säugetiere (wou och d'Mënschen derzougehéieren).

D'Muppen an d'Mizen stellen de gréissten Deel an der cheemescher Fabrik an hirem eegene Kierper hir, der Liewer! Mir Mënsche stellen es op natierlechem Wee net genuch selwer hir… dofir musse mer eis es an eiser Ëmwelt beschafen. Ouni d'Anhuele vu Vitamin C an eiser Ernierung, géife mer stierwen.

D'Muppen an d'Kazen brauche sech ëm Vitamin C an hirer Ernierung keng Gedanken ze maachen, si maache sech hire Vitamin C selwer an hirem eegene Kierper.


Dëst gëllt awer net fir all Nährstoffer a Chemikalien. D'Kazen zum Beispill brauche vill Nährstoffer a Chemikalien, déi si nëmmen duerch d'Iesse vun Déiere-stamendem Gewebe (Fleesch) kréie kënnen. An der fräier Wëldbunn musse si lieweg Kreature joe fir zu wesentleche Chemikalien ze kommen, déi si op natierlechem Wee net hirstellen. Aus der Noutwennegkeet eraus huet d'Kaz sech Methoden ugeluecht, fir Déieren ze joen, ze fänken an z'iesse fir sech doraus verschidden Nahrungsstoffer ze "léinen".

Kazen a Muppen kënnen net mat deemselwechte Fudder gefiddert ginn. Wou de Mupp vläicht kapabel wier mat Kazefudder z'iwwerliewen, géif eng Kaz relativ schnell beim Muppefudder agoen. Hei e puer Ernährungsënnerscheeder tëschent Muppen a Mizen:

Vitamin A:

Och Retinol genannt!
Kazen hu keng Enzymen, déi planzeproduzéiert Carotenoiden ofbauen. Dat heescht, datt si "virgeformten" aktive Vitamin A iesse mussen (dat ass Vitamin A, dee schonn an eng aktiv Form vu planzeproduzéierte Carotenoiden vun enger anerer Kreatur wéi enger Maus oder enger Kanéngchen ëmgewandelt gouf).

Muppen hunn Enzymen am Daarmgewebe, déi planzlech Carotenoiden an aktiven Vitamin A ëmwandelen.

Taurin:

Eng Aminosaier, déi net a Proteinnen agebaut ass, mee duerch de gréissten Deel vum Kierpergewebe verdeelt ass. Taurin ass wichteg fir déi gesond Funktioun vum Häerz, vun der Retina, vun der Gaaleflëssegkeet a fir gewëssen Aspekter vun der Fortpflanzung.
Kazen musse virgeformten Taurin iessen, a well Taurin net a planzlechem Gewebe ze fannen ass, muss d'Kaz Fleesch iessen fir zu Taurin ze kommen. Kazen kënne keen eegenen Taurin hirstellen, dofir ass Taurin an der Kazenernährung wesentlech!
Muppen hunn hir eegen intern chemesch Taurin Fabrik.

Protein:

Kazen : Beim Fiddere vun enger perfekter ausgewoener an engem zu 100% verdaulechem Protein an der Ernährung, benotzt d'Kaz dovun 20% vum Protein fir de Wuesstumsmetabolismus an 12% fir d'Versuergung.

Muppen: Beim Fiddere vun enger perfekter ausgewoener an engem zu 100% verdaulechem Protein an der Ernährung, benotzt de Mupp dovun 12% fir de Wuesstumsmetabolismus an nemmen 4% fir d'Versuergung.

Fazit: Kaze brauche méi Proteinnen an hirem Metabolismus ewéi d'Muppen. Dee héije Proteingehalt am Fleesch ass wesentlech an der Kazenernährung.

Et gëtt keng vegetaresch Ernährung fir Kazen!

A wann Dir Är Kaz mat enger Hausmaacher Fleeschmixtur fiddert, kann dat och desaströs Konsequenzen hunn!


Muppe kënne mat Reschter vum Dësch iwwerliewen (och wann dëst net als optimal Ernährung gerode gëtt). Kazen kënnen dat net! Fir eng ausgewoe Muppenernährung soll eng Mixtur aus Fleesch (réi oder aus der Dous) an Dréchefudder gefiddert ginn.
Passt op, datt wann Dir Naass-, oder Fiichtfudder kaaft ëmmer genuch frëscht Waasser zur Verfügung ze stellen an, datt bei Dréchefudder ëmmer "Alleinfutter" oder "Komplettnahrung" dropsteet.
Réi Schanken sinn och positiv fir de Mupp, si knaen op de Schanken an dëst ass gesond fir hir Zänn an hiert Zännfleesch, sou wéi d'Fleesch an d'Muersch gesond si vun den Nährwäerter hir.
Just opgepasst op kleng zerbriechlech Schanken, dës kéinten am Hals oder am Daarm hänke bleiwen.

D'Kaze brauchen eng Ernährung, déi räich u Proteinnen/Fett ass an op Fleesch baséiert, dat genau esou räich u spezifesche Vitaminnen an Mineralien ass, déi d'Miz brauch. Dat heescht och, datt selwer virbereedent Kazefudder oft en Nährwäertmangel opweist, déi fir d'Kaz spezifesch sinn.

Folgend Reegele solle bei der Kazenernährung beuecht ginn:

1. Fiddert der Kaz net nëmme réit Fleesch als eenzeg Ernährung. Dëst kann zu skelettaartege Probleemer féieren. An der fräier Wëldbunn iessen d'Kazen wuel réit Fleesch, awer net nëmmen! Si iessen dat ganzt Déier! … mam Häerz, de Longen, der Liewer, dem Gedäerms, asw… aus dësen Organer kritt d'Kaz all Nährstoffer, déi se brauch.
Dofir as Dousefudder fir Kaze besser wéi dee beschte Fleeschfilet, deen de Besëtzer kafe kann.

2. Fiddert Är Kaz net mat Muppefudder.

3. Eng erwuesse Kaz soll eemol eng grouss Portioun oder ee bis zweemol den Dag eng méi kleng Portioun Fudder kréien.

4. Kätzercher tëscht 6 an 12 Wochen solle 4x den Dag gefiddert ginn, tëscht 3 a 6 Méint 3x den Dag.


Och wann Dir ëmmer erëm gesot kritt, et soll een de Kazen eng Schossel Mëllech dohinner setzen, Kaze kënne Koumëllech nëmme schlecht verdauen an dëst kann zu Duerchfall féieren. Si si frou mat extra Leckereien, mee et soll ee schon op d'Quantitéit oppassen. Déi meescht Leckerlie si räich u Fett, wou op d'Gewiicht schloe kann.

E klengen Insidertipp, wann Dir elo no all dësen Informatiounen op der Sich no deem richtege Qualitéitsfudder fir Äre Mupp oder Är Miz sidd:


Firwat Panys?

Bei PANYS fannt Dir aartgerecht Muppen- a Kazenfudder am Daarm oder och am Beutel.

All Produkter sinn ouni kënschtlech Fuerf-, Aroma a Konservéierungsstoffer.

Fir sämtlech Menüe benotze mir nëmme bescht Réistoffer. PANYS Fiichtnahrung ass gesond, ausgewoen a frësch, albewäert no Metzleraart mat mindestens 60 % Fleeschundeel.

PANYS ass: High-Premium-Qualitéit a räich u Muskelfleesch.

Fir Muppen a Mizen als Eléngfuddermëttel zougelooss.

Hiergestallt gëtt PANYS an Däitschland aus liewensmëtteltaugleche Réistoffer.

PANYS Dréchefudder ass en ausgewoent Fudder fir Muppen a Mizen ouni kënschtlech Aroma-, Fuerf- a Konservéierungsstoffer mat engem fortschrëttlechen Ernährungs- a Sécherheetspak vun Ziichter an Déierendokteren fir eng gesond Ernährung vum Déier empfohlen.

Kuckt roueg emol op der Verpakung vun Ärem deiere Fudder, op deem och nach Premium dropsteet oder dat dat Dir vertrauensvoll bei Ärem Déierendokter kaaft hutt, wéi vill Prozent Fleesch(!!!) - net Fleeschmiel - dran ass a liest bei Interessi "Schwarzbuch Tierfutter: Katzen würden Mäuse kaufen".

Fir all weider Informatiounen heizou, stinn ech gären zur Verfügung.












info@pet-psy-cafe.eu