Antas & Bijou Wëllkomm op der Websäit vum Tania Hoffmann, diploméiert Déiereverhalensberoderin, spez. fir Mupp a Kaz / Déierepsychologin.

Pet-Psy-Cafe steet fir d'Psychologie an d'Verhale vun eise léiwen Hausdéieren, ganz speziell bezunn op d'Muppen (Canis) an d'Kazen (Felis).

D'Ausdrocksverhalen ass bei de Muppe wéi och bei de Kazen dat wichtegst Kommunikatiounsmëttel ausser dem Billen oder Miauen. Kënnt Dir muppësch?

D'Tania Hoffmann ass Är Iwwersetzerin wann Dir Problemer hutt Äre Mupp ze verstoen. D'Verhale vum Mënsch wierkt sech op d'Déier aus a kann zu Verhalensopfällegkeete féieren. Och eng schlecht Prägungs- an/oder Sozialisatiounsphas als Welpen kann zu Probleemer am Erwuesseneliewe féieren, souwéi och Fréi-Kastratiounen.

Opgepasst! Déierepsychologie ass absolutt net mat Déierekommunikatioun ze verwiesselen!

Och wann Dir e Mupp adoptéiere wëllt, e Welpen oder en erwuessenen Hond, vu privat, vum Déiereschutz, aus dem Asyl oder e Rassemupp vun engem Ziichter, kritt Dir hei déi richteg Berodung.

Wéi eng Virkéierunge sinn ze treffen, ier de Mupp heemkënnt?

All déi Punkte gëllen och am Fall, wou Dir eng Kaz hutt oder adoptéieren / kafe wëllt, sief et eng kleng, jonk, eng erwuessen oder eng Rassekaz vum Ziichter, hei kritt Dir déi richteg Berodung an Informatiounen.

Zéckt also net Iech folgend Säiten unzekucken, an och am Fall, wou Dir Froen hutt, Iech ze mellen.

Mat léiwe Gréiss,

Tania Hoffmann

Diploméiert Déiereverhalenberoderin (Mupp & Kaz)



"D'Gréisst an de moralesche Fortschrëtt vun enger Natioun kann een doru moossen, wéi se hir Déiere behandelt."
Mahatma Gandhi







info@pet-psy-cafe.eu