Verhalenstherapie


Verhalensstéierunge beim Mupp
Verhalensstéierunge bei der Kaz





Antas & Bijou

Verhalensstéierunge beim Mupp

- Äre Mupp behëlt sech net esou, wéi Dir Iech dat virstellt?
- Äre Mupp ass net gär eleng?
- Äre Mupp follegt schlecht oder guer net?
- Äre Mupp zitt un der Léngt?
- Äre Mupp zerstéiert Miwwel, Këssen..., wann Dir net do sidd?
- Äre Mupp verdréit sech net mat anere Muppen?
- Äre Mupp ass ängstlech?
- Äre Mupp ass aggressiv vis-à-vis vun anere Muppen?
- Äre Mupp ass aggressiv vis-à-vis vu Kanner an/oder frieme Mënschen ?
- Äre Mupp ass aggressiv vis-à-vis vun Iech, Ärer Famill, Äre Kanner ?
- Ass Äre Mupp vläicht net (richteg) propper ?

Wann nëmmen ee Punkt ob Iech zoutrëfft, sidd Dir bei mir genau richteg.




Loona

Wéi ech virginn?

Am Beschte mir maachen e Rendez-Vous aus an ech komme bei Iech heem. Bei dëse Rendez-vouse sollen all Familjemembere derbäi sinn, déi mam Mupp ze dinn hunn a rechent w.e.g. ¾ bis eng Stonn an.
Bei der Anamnes beschwätze mir de Probleem, deen Dir mam Mupp hutt.
Duerno kritt Dir schrëftlech en detailléierten an op Äre Mupp/Problem bezunnenen Therapie-/Trainingsplang vu mir zougeschéckt, deen ech Iech awer gären a selbstverständlech och mëndlech erklären.
Dir musst wëssen, datt ech als Verhalensberoderin/Déierepsychologin net selwer an direkt op Äre Mupp awierken.
Ech vermëttele Wëssen, beroden Iech am Ëmgank mam Mupp an handele meeschtendeels als "Iwwersetzer"/ Vermëttler tëschent Mënsch a Mupp.
Natierlech stinn ech Iech wärend der ganzer Therapie telefonesch zur Verfügung an ech kommen och a reegelméissegen Ofstänn kucken, wéi dat Ganzt sech entwéckelt.




Tierheim

Verhalensstéierungen bei der Kaz

- Ass Är Kaz aggressiv, bäisst a kraazt se Iech?
- Ass Är Kaz ängstlech, ziddert se?
- Markéiert Är Kaz an der Wunneng?
- Verléiert Är Kaz Hoer?
- Zerkraazt Är Kaz Är Miwwel oder aner Saachen?
- Knabbert Är Kaz un Äre Planzeny?
- Ass Är Kaz net propper?

Wann Dir nëmmen 1 Punkt mat „jo“ beäntwere kënnt, da sidd Dier bei mir richteg.

Wéi ech virginn?

U sech d’selwecht wéi beim Mupp.
Am Beschte mir maachen e Rendez-Vous aus an ech komme bei Iech heem. Bei dësem Rendez-Vous mussen op d’mannst déi Familjememberen do sinn, déi am meeschte mat der Kaz ze dinn hunn.
Bei der Anamnes beschwätze mer de Probleem, deen Dir mat der Kaz festgestallt hutt.
Duerno kritt Dir schrëftlech en detailléierten an op Är(e) Kaz/Probleem bezunnenen Therapieplang vu mir zougeschéckt, deen ech Iech awer selbstverständelch och mëndlech erklären.
Dir musst wëssen, datt ech als Verhalensberoderin/Déierepsychologin net selwer an direkt op Är Kaz awierken.
Ech vermëttele Wëssen, beroden Iech am Ëmgank mat der Kaz an handele meeschtendeels als "Iwwersetzer" / Vermëttler tëschent dem Déier an dem Mënsch.
Natierlech stinn ech Iech wärend der ganzer Therapie telefonesch zur Verfügung an ech kommen och a reegelméissegen Ofstänn kucken, wéi dat Ganzt sech entwéckelt.










info@pet-psy-cafe.eu